U petak, 11. novembra 2022. godine učenici I, II i III razreda posjetili su KIC ,,Budo Tomović” i uživali u izvedbi predstave ,,Ljepotica i zvijer”.
U kombinaciji maske, glumačke igre i sjenki, ova predstava na duhovit način priča poznatu bajku o ljubavi koja se rađa između Najljepše Međ Najljepšim i Zvijerske Zvijeri. Kako je zvijer zapravo razmaženi princ na koga je bačena kletva, to stvara niz komičnih situacija, u kojima učestvuje i dvorska luda Skakutalo.
Predstava je izvođena na brojnim festivalima, a na XVI Kotorskom Festivalu pozorišta dobila je nagradu za cjelovit pozorišni izraz i ambiciozan produkcijski projekat.
Nagrada za glumačko ostvarenje na ovom istom festivalu pripala je njenom režiseru Branku Iliću za ulogu Skakutala.
